என்னை அதி காலை
எழுப்புகிறான்…
அவன் உண்கையில்
எனக்கு ஒரு வாய் தந்து
அமுதம் படைக்கிறான் ..
இது வேண்டாம்
அது உடுத்து என்று
ஆசை சொல்லி சிரிக்கிறான்…
அலுவலகம் செல்கையில்
அழகாய் கைஅசைத்து
பார்த்து போ என
கிளி பேச்சு பேசுகிறான்
அவன் வளர்கிறான்
நான் குழந்தைஆகிறேன்
தாயான
என் மகனிடம்
எல்லா அனுபவமும்
எனக்கு மிகச்சீக்கிரமே
கிடைத்து விடுகிறது
சிறுவயதில்
தந்தையை பிரிந்தேன்
இளம் வயதில்
மனைவியை இழந்தேன்
அனுபவம் என்றுமே
கை விடுவதில்லை
சிறுவயதில்
தங்கையை வளர்த்தேன்
இன்று என் பையனை
வளர்க்கிறேன்
காதலிக்காதீர்கள்…
தொடக்கம்
உண்டெனில்
முடிவும்
உண்டு
இயற்கையின்
விதி…
காதலும்
கற்றுதந்தாய்
கலவியில்
இன்பமுட்டினாய்..
கண்ணின்
இமையென
இருந்தாய்..
இன்று
கண்ணிரில்
நிற்கிறேன்
இமைமூட
மறந்து…
அனுபவம்
கிடைக்க பெறுதலும்
கிடைக்க மறுப்பதும்
கிடைத்தது தவறுவதும்
தவறியது கிடைப்பதும்..
ஒவ்வொன்றிலும்
ஒரு
வலி அல்லது
இன்பம்
மனிதனின் ஒட்டம்
இரண்டு எல்லைகளுக்கு
உட்பட்டது
பிறப்பு மற்றும்
இறப்பு
ஓட்டத்தில்
விழுவதும்
எழுவதும்
நிதர்சனம்
ஆனால்
இலக்கு ஒன்றே..
